Хүнэй бэе махабадай шэнжэ

ҺАЙН ШЭНЖЭНҮҮД

    Эрэ хүнэй баруун нюдэн татабал – һайн, эхэнэр хүнэй зүүн нюдэн татабал – һайн. 
    Баруун шэхэн ханхинахадаа – һайн, зүүн шэхэн ханхинахадаа – муу. 
    Баруун альган зохолходоо, зол жаргал, аза талаан тудаха, нүхэртэёо гү, холын түрэлхидтэёо уулзаха.

МУУ ШЭНЖЭНҮҮД

    Хүнэй ара бэе татабал – аха дүүнэртээ муу ёро зүгнэнэ; хүнэй үбэр бэе татабал – өөртөө муу ёро заана. 
    Зүүн альган зохолходоо, мүнгэ алтанай болон бусадшье гарзада орохо. 
    Баруун хүлэй ула зохолходоо, тон һаядаа холын аян замда гараха, зүүн хүлэй ула зохолходоо, ошохо гэһэн гү, али ошожо ябаһан аян замынь урагшагүйдэхэ. 
    Ехэ наһатай хүнэй шүдэн шэнээр ургабал, хойтуулдаа муу гэдэг. 
    Хүнэй хүл, гар яншахада, шуурга һалхин болохо. 
    Хүлөө хүл дээрээ хээд һуухагүй, үгытэй болохын тэмдэг. 
    Хамарай үзүүрэй зохолходонь, архи уулган гү, али гэр бүлэ соо хэрүүл хэрэлдээн болохо.