Манай Буряад орондо тарбаган яһала бии гээшэ ааб даа. Тиигээд шуһаша арьяатан шоно тэдэниие барижа эдихэ дуратай. Тиимэһээ иимэ наадан бии юм.
Шоно болохо хэдэн үхибүүдые жээрэб татажа һунганабди. Шононууд үсөөн, тарбаганиинь олон.
Энэ наадые гудамжада гү, али сэбэр талада наадахада зохид.
Үйлсэдэ 50 метр утатай газар олонобди. Хоёр тээхи хилэнүүдынь тон элеэр зураатай.
Тиихэдэ хоёр тээнь — тарбаганууд, тэрэ хилэтэй газарта — үсөөхэн шоно.
Нэгэ талаһаа нүгөө тала хүрэтэр тарбаганууд шонодо баригдангүй гүйлдэжэ ошохо зэргэтэй. Баригдаа һаа, нааданһаа гараха болохош. Нэгэ тарбага үсөөхэн шонын намнаһаар байтар, нүгөө талаарнь бусад тарбаганиинь гүйлдэжэ гарана. Богонёор хэлэхэдэ, шононуудай хоёр тээгүүрнь тарбаганууд харайлдана.