Уран зохёолшо, ирагуу найрагшад
Аюшеев Солбон
- Буряадай уран зохёолшодой холбооной гэшүүн
Солбон Дамдинович Аюшеев 1960 оной августын 10-да Закаменск хотодо түрэhэн. Абань — Дамдин Цыренович Аюшеев олон жэлдэ сурбалжалагшаар хүдэлhэн, мэдээжэ журналист. Эжынь — Дарижап Будаевна Аюшеева хүдөөгэй соёлой байшанда киномеханигаар амжалтатай ажаллаа.
Солбон Аюшеев Захааминай аймагай Yлэгшэнэй hургуулида, Зэдын аймагай Петропавловкада hураhан байна. 1977 ондо Доржо Банзаровай нэрэмжэтэ багшанарай дээдэ hургуулиин түүхын факультет ороhон. Оюутан хаhадаа «Уянга» гэhэн уран зохёолой бүлгэмдэ эдэбхитэй хабаадаа, факультедэй дэргэдэ журналисткын шэглэлээр залуу бэлигтэйшүүлые суглуулжа, «Буряад үнэн» сонинтой нягта харилсаатайгаар хүдэлөө. Тиин дээдэ hургуулияа дүүргэхэдэнь, Солбон Аюшеевые «Буряад үнэндэ» худэлхыень уриhан байна.
Сэрэгэй алба гараад, «Буряад үнэндөө» бусажа, уран гуурhатай холбоотой ажалаа үргэлжэлүүлээ. 1985 ондо Сэлэнгын аймагай «Улаан Сэлэнгэ» гэhэн сониной редакторай орлогшоор хүдэлжэ захалаа, аймагай телевиденидэ өөрын үүсхэлээр «Гуламта» гэhэн дамжуулга хүтэлбэрилhэн байна.
Солбон Дамдинович хорёод жэлэй туршада Гусиноозерскын ГРЭС-эй хэблэлэй албаниие хүтэлбэрилөө. Ажалhаа гадуур уянгата шүлэгүүдээ бэшэжэ, гурбан ном хэблэлдэ бэлдэжэ гаргаа. «Дуунайм эхин — Yлэгшэн» (2010), «Сагай hуудал» (2018), «Аадарай адис» (1991). Бүхы наhаараа буряад хэлэнтэеэ холбоотой, хүгжэлтэдэнь горитой хубитаяа оруулжа, мүнөө дээрээ Солбон Аюшеевэй шүлэгүүдынь олондо мэдээжэ болонхой, дуунуудшье мүндэлөө. Буряадай уран зохёолшоной шүлэгүүд Монголдо дэлхэйн монгол усгаатанай уран зохёолой сэтгүүлдэ толилогдонхой.
Солбон Аюшеев Захааминай аймагай Yлэгшэнэй hургуулида, Зэдын аймагай Петропавловкада hураhан байна. 1977 ондо Доржо Банзаровай нэрэмжэтэ багшанарай дээдэ hургуулиин түүхын факультет ороhон. Оюутан хаhадаа «Уянга» гэhэн уран зохёолой бүлгэмдэ эдэбхитэй хабаадаа, факультедэй дэргэдэ журналисткын шэглэлээр залуу бэлигтэйшүүлые суглуулжа, «Буряад үнэн» сонинтой нягта харилсаатайгаар хүдэлөө. Тиин дээдэ hургуулияа дүүргэхэдэнь, Солбон Аюшеевые «Буряад үнэндэ» худэлхыень уриhан байна.
Сэрэгэй алба гараад, «Буряад үнэндөө» бусажа, уран гуурhатай холбоотой ажалаа үргэлжэлүүлээ. 1985 ондо Сэлэнгын аймагай «Улаан Сэлэнгэ» гэhэн сониной редакторай орлогшоор хүдэлжэ захалаа, аймагай телевиденидэ өөрын үүсхэлээр «Гуламта» гэhэн дамжуулга хүтэлбэрилhэн байна.
Солбон Дамдинович хорёод жэлэй туршада Гусиноозерскын ГРЭС-эй хэблэлэй албаниие хүтэлбэрилөө. Ажалhаа гадуур уянгата шүлэгүүдээ бэшэжэ, гурбан ном хэблэлдэ бэлдэжэ гаргаа. «Дуунайм эхин — Yлэгшэн» (2010), «Сагай hуудал» (2018), «Аадарай адис» (1991). Бүхы наhаараа буряад хэлэнтэеэ холбоотой, хүгжэлтэдэнь горитой хубитаяа оруулжа, мүнөө дээрээ Солбон Аюшеевэй шүлэгүүдынь олондо мэдээжэ болонхой, дуунуудшье мүндэлөө. Буряадай уран зохёолшоной шүлэгүүд Монголдо дэлхэйн монгол усгаатанай уран зохёолой сэтгүүлдэ толилогдонхой.