Уран зохёолшо, ирагуу найрагшад
Хензыхенов Вениамин
Хензыхенов Вениамин Романович - Усть-Ордын тойрогой соелой габьяата ажаябуулагша, уран шүлэгшэ, журналист.
1992 ондо «Усть-Ордын үнэн» газетын уран зохёолой таhагта Вениамин Романович Хензыхенов хүдэлхэеэ ерэhэн байна. Тэрэ Боохоной аймагай Маньково нютагта 1932 оной январиин 28- да түрэhэн намтартай. Боохоной багшанарай училищи дүүргээд, олон жэлдэ округой аймагуудай hургуулинуудта багшалаа. Округой гэгээрэлэй таhагта методкабинедые даагшаар, Оhын ба округой социальна тэдхэмжын таhагые даагшаар ажаллаа. Түрүүшын шүлэгүүдынь 1957 ондо «Усть-Ордын үнэн» газетэдэ толилогдоо. Һүүлээрнь Буряад Республикын газетэ, журналнуудта олон зохеолнуудынь хэблүүлэгдэhэн байна. Энээнhээ гадна «Усть-Ордын дуун», «Баян даа, Усть-Ордаамни» гэhэн номуудта хэблүүлэгдэһэн юм. Вениамин Хензыхеновэй шүлэгүүд дээрэ округой хүгжэмшэн Петр Турусов, Буряадай арадай артист Владимир Таршинаев гэгшэд ирагуу hайхан дуунуудые зохеоhон юм.
«Yргэн сээжыем доhолгоо» гэhэн дууниинь уласхоорондын фестивалиин лауреат болоо hэн. 2001 ондо Яхадта «Тоонто нютагни» гэhэн шүлэгүүдэйнь согсолбори гараhан байна. Вениамин Хензыхеновэй шүлэгүүд удхаараа, түхэл маягаараа өөрын шэнжэтэй, дүрэ образуудынь онсо илгарма, үнэн зүбые баримталhан жэшээтэй. Нютаг нуга, тала дайда, оршон тойрон дэлхэй тухайгаа бэшэхэдээ, уян нугархай, бүри яагаадшье hэлгэшэгүй үгэнүүдые оложо шадаhан байна. Энээнhээ гадна аха нүхэрнай арадай аман зохеолнуудые эдэбхитэйгээр суглуулжа, газетынгээ хуудаhануудта гаргагша бэлэй. 2006 ондо «Буряад үнэн — Дүхэриг» сониной эмхидхэгдэhэн «Юhэн тугай hүлдэ» гэhэн уран зохёолой харалганда «Урданай түүхэ ба домогууд» номинацида лауреадай нэрэ зэргэдэ хүртэhэн байна.
2009 ондо наһа бараһан.
Бусалга
Дугай зунай үдэшэлэн
Танил зөөлэн зүргөөр
Түргэ түргэ гэшхэлэн
Түрэhэн Yхэртээ дүтэлбэб.
Гэрэйм багахан сонхо
Гэрэлтэн холоhоо угтаба.
Гэнтэ зосоом баярлаад,
Гүлмэр наhам hанагдаба.
Идэ мүрэхэм шарьян,
Хүүхэндэл хүхинэ хэбэртэй.
Холохон нугада турьян
Хүлэгүүд бэлшэнэ ха hүртэй.
Арбаад жэлэй
Ажалтай танилсаа hэм, эндэ ..
hураад нютагни,
Yбhыеш абалсаагүйб, халагни.
Харин үглөө эртэхэн
Хазаарлахаб зээрдэеэ эжэлэнгуй
1992 ондо «Усть-Ордын үнэн» газетын уран зохёолой таhагта Вениамин Романович Хензыхенов хүдэлхэеэ ерэhэн байна. Тэрэ Боохоной аймагай Маньково нютагта 1932 оной январиин 28- да түрэhэн намтартай. Боохоной багшанарай училищи дүүргээд, олон жэлдэ округой аймагуудай hургуулинуудта багшалаа. Округой гэгээрэлэй таhагта методкабинедые даагшаар, Оhын ба округой социальна тэдхэмжын таhагые даагшаар ажаллаа. Түрүүшын шүлэгүүдынь 1957 ондо «Усть-Ордын үнэн» газетэдэ толилогдоо. Һүүлээрнь Буряад Республикын газетэ, журналнуудта олон зохеолнуудынь хэблүүлэгдэhэн байна. Энээнhээ гадна «Усть-Ордын дуун», «Баян даа, Усть-Ордаамни» гэhэн номуудта хэблүүлэгдэһэн юм. Вениамин Хензыхеновэй шүлэгүүд дээрэ округой хүгжэмшэн Петр Турусов, Буряадай арадай артист Владимир Таршинаев гэгшэд ирагуу hайхан дуунуудые зохеоhон юм.
«Yргэн сээжыем доhолгоо» гэhэн дууниинь уласхоорондын фестивалиин лауреат болоо hэн. 2001 ондо Яхадта «Тоонто нютагни» гэhэн шүлэгүүдэйнь согсолбори гараhан байна. Вениамин Хензыхеновэй шүлэгүүд удхаараа, түхэл маягаараа өөрын шэнжэтэй, дүрэ образуудынь онсо илгарма, үнэн зүбые баримталhан жэшээтэй. Нютаг нуга, тала дайда, оршон тойрон дэлхэй тухайгаа бэшэхэдээ, уян нугархай, бүри яагаадшье hэлгэшэгүй үгэнүүдые оложо шадаhан байна. Энээнhээ гадна аха нүхэрнай арадай аман зохеолнуудые эдэбхитэйгээр суглуулжа, газетынгээ хуудаhануудта гаргагша бэлэй. 2006 ондо «Буряад үнэн — Дүхэриг» сониной эмхидхэгдэhэн «Юhэн тугай hүлдэ» гэhэн уран зохёолой харалганда «Урданай түүхэ ба домогууд» номинацида лауреадай нэрэ зэргэдэ хүртэhэн байна.
2009 ондо наһа бараһан.
Бусалга
Дугай зунай үдэшэлэн
Танил зөөлэн зүргөөр
Түргэ түргэ гэшхэлэн
Түрэhэн Yхэртээ дүтэлбэб.
Гэрэйм багахан сонхо
Гэрэлтэн холоhоо угтаба.
Гэнтэ зосоом баярлаад,
Гүлмэр наhам hанагдаба.
Идэ мүрэхэм шарьян,
Хүүхэндэл хүхинэ хэбэртэй.
Холохон нугада турьян
Хүлэгүүд бэлшэнэ ха hүртэй.
Арбаад жэлэй
Ажалтай танилсаа hэм, эндэ ..
hураад нютагни,
Yбhыеш абалсаагүйб, халагни.
Харин үглөө эртэхэн
Хазаарлахаб зээрдэеэ эжэлэнгуй