Уран зохёолшо, ирагуу найрагшад
Гаврилов Булат
Москвада түрэһэн. Эсэгэнь, Ремир Кириллович Гаврилов, СССР-эй Гостелерадиодо, хитад редакцида ахалагша редактораар ажаллаһан, мүнөө пенсионер. Эхэнь, Зоя Юмцараевна Цыренова, 1990-2000 онуудта Ород Холбооной Засагай Газарта Үндэһэтэнэй хэрэгүүдэй талаар яаманда, Можо нютагуудай хүгжэлтын департаментын зүблэгшөөр ажаллаһан.
Гурба һаратайхан Булат нагаса эжынгээ нютаг, Агын Буряадай автономито тойрогой Будалан һууринда асарагдаад, бага наһаяа Ононой эрьедэ үнгэргөө юм. 4-дэхи класс хүрэтэр Улаан-Үдын 3-дахи һургуулида, саашань Москвада һураа. Ниислэл хотын 62-дохи һургуулиин 8 класс дүүргээд, медучилищидэ һуража, түргэн туһаламжын фельдшер мэргэжэлтэй боложо гараба. 1982-1984 онуудта Совет армиин албанда ябалсаа.
Сэрэгэй албанай һүүлээр Бүхэсоюзна гүрэнэй кинематографиин институдай сценарна факультедтэ ороод, 1989 ондо тэрэнээ дүүргээ һэн. 1989-1991 онуудта Мосфильмын “Время” нэгэдэлдэ ажаллаа, удаань олзын хэрэг эрхилэгшээр хабаяа туршаа. Бэшэһэн киносценаринуудыень нэрлэбэл, “Чёрные всадники” (РФ-гэй Соёлой яаманай грант, 2002), “Побег” ( Түб телевидениин захилаар, 1988), “Легенда о Тунгусе” (1989), “Миражи” ( Хальмаг ТВ-гэй захилаар, 1994) болон бусад.
1990 ондо Б. Гавриловай “Хаанабши, Шамбала?” гэһэн зүжэгынь Х. Намсараевай нэрэмжэтэ Гүрэнэй буряад драмын театрта түрүүшынхеэ табигдаа юм. Удаань энэл тайзан дээрэ наадагдаа гэбэл, “И тогда он придет к нам!” (1992), “Нүүдэлшэдэй инаг дуранай оньһонууд” (1995), “Чингис хаан” (2001) гэхэ мэтэ болоно. Мүнөө үеын драматургиин “Любимовка” гэдэг фестивальнуудта (1990, 1992, 1993) хабаадажа, тэдэнэй дүнгүүдээр “Тэдэниие хүлеэн абыш, Шамбала!”, “Эртэ урдын заншалаар” гэһэн зүжэгүүдыень РФ-гэй Соёлой яаман худалдажа абаа юм. Булат Гавриловай зүжэгүүдээр ондо ондоо жэлнүүдтэ табигдаһан иимэ тоглолтонууд харагшадта һайшаагдаа: Хальмагта (“Эртэ урдын заншалаар”, Монголдо - Дархан хотодо (“Тэдэниие хүлеэн абыш, Шамбала!”), Улаан-Баатарта (“Нүүдэлшэдэй инаг дуранай оньһонууд”). Харин Башкирай драмтеатрта табигдаһан “Тэдэниие хүлеэн абыш, Шамбала” гэһэн зүжэг 1997 ондо “Башкирай хабар” гэһэн театральна фестивалиин лауреат боложо шалгараа. Буряад драмын театрай тайзан дээрэ табигдаһан Б. Гавриловай “Чингис хаан” зүжэг 2002 ондо Буряад Республикын Гүрэнэй шанда хүртөө һэн.
Гурба һаратайхан Булат нагаса эжынгээ нютаг, Агын Буряадай автономито тойрогой Будалан һууринда асарагдаад, бага наһаяа Ононой эрьедэ үнгэргөө юм. 4-дэхи класс хүрэтэр Улаан-Үдын 3-дахи һургуулида, саашань Москвада һураа. Ниислэл хотын 62-дохи һургуулиин 8 класс дүүргээд, медучилищидэ һуража, түргэн туһаламжын фельдшер мэргэжэлтэй боложо гараба. 1982-1984 онуудта Совет армиин албанда ябалсаа.
Сэрэгэй албанай һүүлээр Бүхэсоюзна гүрэнэй кинематографиин институдай сценарна факультедтэ ороод, 1989 ондо тэрэнээ дүүргээ һэн. 1989-1991 онуудта Мосфильмын “Время” нэгэдэлдэ ажаллаа, удаань олзын хэрэг эрхилэгшээр хабаяа туршаа. Бэшэһэн киносценаринуудыень нэрлэбэл, “Чёрные всадники” (РФ-гэй Соёлой яаманай грант, 2002), “Побег” ( Түб телевидениин захилаар, 1988), “Легенда о Тунгусе” (1989), “Миражи” ( Хальмаг ТВ-гэй захилаар, 1994) болон бусад.
1990 ондо Б. Гавриловай “Хаанабши, Шамбала?” гэһэн зүжэгынь Х. Намсараевай нэрэмжэтэ Гүрэнэй буряад драмын театрта түрүүшынхеэ табигдаа юм. Удаань энэл тайзан дээрэ наадагдаа гэбэл, “И тогда он придет к нам!” (1992), “Нүүдэлшэдэй инаг дуранай оньһонууд” (1995), “Чингис хаан” (2001) гэхэ мэтэ болоно. Мүнөө үеын драматургиин “Любимовка” гэдэг фестивальнуудта (1990, 1992, 1993) хабаадажа, тэдэнэй дүнгүүдээр “Тэдэниие хүлеэн абыш, Шамбала!”, “Эртэ урдын заншалаар” гэһэн зүжэгүүдыень РФ-гэй Соёлой яаман худалдажа абаа юм. Булат Гавриловай зүжэгүүдээр ондо ондоо жэлнүүдтэ табигдаһан иимэ тоглолтонууд харагшадта һайшаагдаа: Хальмагта (“Эртэ урдын заншалаар”, Монголдо - Дархан хотодо (“Тэдэниие хүлеэн абыш, Шамбала!”), Улаан-Баатарта (“Нүүдэлшэдэй инаг дуранай оньһонууд”). Харин Башкирай драмтеатрта табигдаһан “Тэдэниие хүлеэн абыш, Шамбала” гэһэн зүжэг 1997 ондо “Башкирай хабар” гэһэн театральна фестивалиин лауреат боложо шалгараа. Буряад драмын театрай тайзан дээрэ табигдаһан Б. Гавриловай “Чингис хаан” зүжэг 2002 ондо Буряад Республикын Гүрэнэй шанда хүртөө һэн.