Архи тамхинай хорон тухай

    Айдар залуу бэеые 
    Архиин хатуу дараха. 
    Сэлмэг залуу наһые 
    Шэлтэй хара дараха.

    Шоно хонинтой суг байхагүй, 
    Архинша архитай суг байхагүй.

    Ажал хэжэ 
    Алдар соло олодог. 
    Архи уужа, 
    Үбшэ зоболон олодог.

    Һогтууда саг үгы, 
    Һохорто үдэр үгы.

    Айдар наһандаа архидабал, 
    Ами бэеэ галдахаш. 
    Эдир наһандаа архидабал, 
    Эсэгынгээ нэрые бузарлахаш.

    Архиин хорон аминда аюултай, 
    Аманай хорон ажабайдалда аюултай.

    Архида һогтоһон сэсэн аюултай, 
    Эрдэмдэ һогтоһон тэнэг аюултай.

    Утаа уняар тараагаад, 
    Гал дүлэн болоһон түймэр аюултай.

    Архиин хатууда галзуураад, 
    Аашалан, хашхарһан уймар аюултай.

    Уряалгүй орожо ерээд, 
    Ууял даа гэһэн архиншан залхуутай. 
    Урдаһаа нобшорон ерээд, 
    Удаан ороһон бороон залхуутай.

    Архинша хүн нэрын дарамта.

    Архи уунхай – һамуу, 
    Айл зайнхай – залхуу.