"Мойлхон" киногой зураг
"Мойлхон" киногой зураг
Энэ наада сэбэр талмайда, талада, нугада эмхидхэхэдэ тааруу гээд һанагдана.
Олон үхибүүд дүхэриглэн, дундань носоһон гал тээшээ хараад һууха зэргэтэй. Хүн бүхэнэй хоорондохи зай забһар хадаа гурба метр байха болоно.
Жээрэб татажа, малгай табиха баатай болоһон хүн дүхэригые тойрон, үхибүүдэй араар, нара зүб һэмээхэн алхална. Тиигэжэ ябатараа, нюужа ябаһан малгайгаа хэнэйшьеб арада табижархина. Ара талааршни үнгэрһэн хойнонь ши эрьежэ хараха эрхэтэйш.
Малгайн гэнтэ арадаш хэбтээ һаань, һуга харайн бодожо, тэрэ хүнөө намнажа эхилхэш. Тэрэ нүхэршни дүхэриг тойрон гүйхэ, шинии һуурида хүсэгдэнгүй хүрэжэ ерээ һаа, тэндэш һууха эрхэтэй. Хүсэгдөө һаа, малгайгаа дахин табижа эхилхэ. Хүсөөгүй хүнэйнь яаха байһаниинь мэдээжэ: малгай табиха «ажалынь» дахинаа захална.