Гэрэл зураг: Наталья Уланова
Гэрэл зураг: Наталья Уланова
Гэрэй шала дээрэ шэрэмэл шэрдэг дэбдигдэхэ. Мүнөөнэйхеэр һаа, хатуу хибэс дэбдихэдэ хамаагүй. Тэрээн дээрэ хониной шагайнуудые обойтор адхаха. Тэрэнээ тойроод хүнүүд һууха.
Уташаг мүнгэн ооһор-гэнжэ хэрэгтэй. Мүнгэн бэшэшье һаа, түмэр ооһор хамаагүй. Тэрэ ооһороо дээшэнь шэдэхэ зуураа обоолоотой шагайһаа гартаа багтахаяа хүн бүхэн бэе тээшээ татажа абана. Тиигээд ооһороо дахин дээшэнь хаяжа, тэдэ шагайнуудаа адхан абаад, гараа өөдэнь эрьелдүүлэн, дээрэһээ унажа ерэһэн ооһороо тодожо абана. Мүнгэн ооһорой гар дээрэнь тогтонгүй, хибэс дээрэ унашоо һаа, тэрэ гартахи шагайгаа һөөргэнь обоодо бусааха болоно.
Эгээл олон шагай суглуулһан хүн шүүһэндэ тоологдохо.