Зүжэгшэд ба хүгжэмшэд
Даиндарова Сэсэгма
Сэсэгма Даиндарова Буряадай СССР-эй арадай зүжэгшэн Лариса Сахьянова РСФСР-эй арадай зүжэгшэн Пётр Абашеев хоёрой нэрэмжэтэ дунда мэргэжэлэй хатарай һургуули 2016 ондо дүүргэһэн юм. Тэрэ гэһээр, 2016 онһоо, Буряадай гүрэнэй дуун болон хатарай үндэһэн «Байгал» театрта зүжэгшэн боложо абтаһан юм.
Өөрөө үсэд, ойлгосо һайнтай хадаа театрай ажабайдалда хурдан тааража, тэрэ үедэ тэндэ хатарагдажа байһан хатарнуудта бултандань оролсодог болоо. Хамтын хатарнуудые алдуугүй һайнаар хадуужа абаад, үзэмжэтэй гоёор хатаржа захалаа. Хатар соогоо уян нугархай хүдэлсөөрөө онсо илгардаг, харуулжа байһан дүрэдөө харагшые этигүүлжэ шададаг байһанаа гэршэлээ. Театрай табиһан «Бургуужан-Түхэмэй сууряан», «Амаралтын үдэшэ», «Сагаалганай уулзалга», «Заха хизааргүй хатар», «Ёохорой һүни» б.б. түлэбүүдтэ эдэбхитэй оролсоһон юм.
Ажалда ороһоор оройдоол гансахан жэлэй туршада театрайнгаа нүүдэл тоглолтонуудта хабаадалсажа, ябажа ерэһэн орон нютагуудые нэрлэбэл: Оросой Холбооной Москва, Санкт-Петербург хотонууд, Монголой Улаан-Баатар, Германиин Дрезден. 2016 оной ноябрь һарада Москва, Санкт-Петербург хотонуудта үнгэрһэн Улаан-Үдын соёлой үдэрнүүдтэ табигдаһан тоглолтонуудта хабаадалсаа. 2017 оной февраль соо Европын соёлой ехэ хэмжээ ябуулгада — «Дрезденэй дууриин баяр нааданда» «Байгал» театртайгаа «Хун шубуудай хатар» дэлгэжэ хабаадалсаа. Харагшад ехэ гайхажа, манай хатарша басагадые үндэр хэмжээндэ сэгнэжэ, дулааханаар угтажа абаһан байха юм. 2017 оной хабар (март, апрель) театрай бүжэгэй бүлгэм Москвада «Бултадаа хатарна» гэһэн түсэлдэ хабаадаа бэлэй. Энэнь сэнхир дэлгэсэй «Орос 1» шугамаар агаарай долгёор харуулагдаа. Эндэшье бусад басагадтайгаа нэгэн боложо, бүхы бэлигээ гэршэлжэ, һайн оролдосо гаргажа илалта туйлаа бэлэй даа. Сэсэгма Альбертовна Даиндарова иигэжэ Буряадайнгаа үндэр урлалые дэлхэйдэ мэдүүлжэ, түрэл оронойнгоо нэрэ һүлдые үргэжэ ябадаг бэлигтэй зүжэгшэн гээшэ.
Өөрөө үсэд, ойлгосо һайнтай хадаа театрай ажабайдалда хурдан тааража, тэрэ үедэ тэндэ хатарагдажа байһан хатарнуудта бултандань оролсодог болоо. Хамтын хатарнуудые алдуугүй һайнаар хадуужа абаад, үзэмжэтэй гоёор хатаржа захалаа. Хатар соогоо уян нугархай хүдэлсөөрөө онсо илгардаг, харуулжа байһан дүрэдөө харагшые этигүүлжэ шададаг байһанаа гэршэлээ. Театрай табиһан «Бургуужан-Түхэмэй сууряан», «Амаралтын үдэшэ», «Сагаалганай уулзалга», «Заха хизааргүй хатар», «Ёохорой һүни» б.б. түлэбүүдтэ эдэбхитэй оролсоһон юм.
Ажалда ороһоор оройдоол гансахан жэлэй туршада театрайнгаа нүүдэл тоглолтонуудта хабаадалсажа, ябажа ерэһэн орон нютагуудые нэрлэбэл: Оросой Холбооной Москва, Санкт-Петербург хотонууд, Монголой Улаан-Баатар, Германиин Дрезден. 2016 оной ноябрь һарада Москва, Санкт-Петербург хотонуудта үнгэрһэн Улаан-Үдын соёлой үдэрнүүдтэ табигдаһан тоглолтонуудта хабаадалсаа. 2017 оной февраль соо Европын соёлой ехэ хэмжээ ябуулгада — «Дрезденэй дууриин баяр нааданда» «Байгал» театртайгаа «Хун шубуудай хатар» дэлгэжэ хабаадалсаа. Харагшад ехэ гайхажа, манай хатарша басагадые үндэр хэмжээндэ сэгнэжэ, дулааханаар угтажа абаһан байха юм. 2017 оной хабар (март, апрель) театрай бүжэгэй бүлгэм Москвада «Бултадаа хатарна» гэһэн түсэлдэ хабаадаа бэлэй. Энэнь сэнхир дэлгэсэй «Орос 1» шугамаар агаарай долгёор харуулагдаа. Эндэшье бусад басагадтайгаа нэгэн боложо, бүхы бэлигээ гэршэлжэ, һайн оролдосо гаргажа илалта туйлаа бэлэй даа. Сэсэгма Альбертовна Даиндарова иигэжэ Буряадайнгаа үндэр урлалые дэлхэйдэ мэдүүлжэ, түрэл оронойнгоо нэрэ һүлдые үргэжэ ябадаг бэлигтэй зүжэгшэн гээшэ.